Mero jiwan yesto hos (मेरो जीवन यस्तो होस्) by Sugam Pokhrel (lyrics+ video)

[(मेरो जीवन यस्तो होस् )३
हरेक दिन फरक होस् ]२

पिर व्यथा सबै हराओस् हरेक रात सरस होस्
बाँच्न पाऊँ हरेक दिन सबैलाई खुशी पारेर
हाँस्न पाऊँ हरेक छिन गर्वले शिर उठाएर 
साँझमा दिनभरीका सुकर्मलाई केलाउँछु
भोली उठेर गर्ने कामको योजना बनाउँछु
(यो ओठमा मुस्कान फैलेर सबैलाई घेरेको होस् )२
(मेरो जीवन यस्तो होस् )२
हरेक दिन फरक होस्...

(मेरो कर्मले कसैलाई कुनै हानी नगरोस्
मेरो सहयोग माग्नेले कहिल्यै खाली जानु नपरोस् )२
अरुका इच्छामा आफ्नो सबै सपना मिसाइदिन्छु
अरुले थाम्न नसक्ने पिर आफै बिसाइदिन्छु
(दैव दाईना भएर सधैं मलाई हेरेको होस् )२
(मेरो जीवन यस्तो होस् )२
हरेक दिन फरक होस्...

(मेरो जीवन यस्तो होस् )३
(हरेक दिन फरक होस् )४